موضوع هذا الأسبوع ..... الموضة

مساء الخير على الجميع كيفكم ..... أنشاء الله دووووم أتكونوا بخير
بصراحة اليوم حابب نفتح موضوع الموضة ...
وهلا أنا بأطلب من كل المشاركين والشرفين أنهم يعطونا رأيهم في الموضة الي أصبحت هوس كتير من الشباب والصبايا في عالمنا العربي وبجد أصبحت الموضة موضوع لابد من نقاشه ...
بأنتظر ارائكم .....[/size] موضوع هذا الأسبوع ..... الموضة 292933

[size=24]الرائــــــــــد

موضوع رائع اخي الرائد وبيستحق النقاش

والنقاش فيه راح يطووووول

وان شاء الله يكون في تفاعل من قبل الاعضاء

راح ابدي رأيي بموضوع الموضة ...

اولا الكل بيعرف انو الموضة شيء ملموس وواضح في كل عصر وكل مكان
واذا جينا لتعريف الموضة بنلاحظ انو الموضة ومواكبتها مش غلط
فالموضة بتعني مواكبة اي شيء وكل شيء في اي مجال سواء اجتماعي او اقتصادي او ...
والموافقة عليه واستعماله باقتناع وممكن يكون هالشيء منيح وممكن يكون عاطل وهان بتكون الموضة الخطرة يللي ما بترغبها مجتمعاتنا الاسلامية

والموضة بردو ممكن تساوي بالمعنى ( بنالسبة لرأيي الخاص ) التقليد
ومتل ما بنعرف في التقليد الاعمى وفي التقليد المحدد بهدف او يللي بكون نتيجة اتباع احد ( قدوة )
والتنين بردو ممكن يكونو مناح او عاطلين

يعني انا بقدر اقلد وحدة في لبس الحجاب واحكي موضة بس بالاخير طلعت بشيء منيح
وممكن اقلد وحدة بخلع الحجاب واحكي موضة وهيك بكون شيء عاطل

والتقليد الاعمى كلنا بنعرفو وهو يللي للاسف دارج في مجتمعاتنا العربية والاسلامية
وهو تقليدنا للاجانب بكل شيء تقريبا حتى العادات والتقاليد البعض منها اختفى نتيجة تقليدنا للغرب بحجة مواكبة العصر واتباع الموضة وكل هاد بيرجع بالفائدة المالية على الاجانب يللي صاروا يحددو لكل موسم وكل فترة الوان وشغلات معينة لانهم بالاخر عارفين انو في يلي راح يواكب هالشيء رغبة في التطور والتحضر وبعد كل هاد ما حدا كسبان غير الاجانب

فالموضة شيء واسع وشامل لكل المجالات والاماكن والازمان وبتختلف من شخص لاخر وبتظهر في فترة معينة ومكان معين وبتختفي وبيجوز ترجع تاني

يعني مثلا في كتير شغلات مثلا متل الازياء رجعت تشبه ازياء زمااااااان

فعشان هيك الواحد مش غلط يمشي على الموضة بس لازمو يعرف شو هي الموضة يللي بتناسب دينو
دينو وبس بعيد عن المجتمعات لانو في كتير مجتمعات بتقبل بموضة معينة ولكن للاسف بتخالف عقيدتها

ان شاء الله اكون قدرت اوصل شيء بسيط من يللي حابة اوصلوووو

واكيييييد في لالي رجعة تانية ولساتنا بناقش الموضوع

وان شاء الله نلاقي تفاعل اكتر من الاعضاء

تقبل شكري اخي الرائد على طرحك الرائع

دمت بود
عطاء الروح

يسلمووو اخي الرائد لطرح هيك موضوع مهم
ما رح احكي شي بالنسبه عن الموضه بشكل عام لانو عطاء الروح شرحتو تقريبا
واكيد في الموضه اللي منيحه وبتتماشا مع العادات والتقاليد الاسلاميه
وفي العاطله واللي بضر
اما بالنسبه اللي انا بمشي ع الموضه صراحه وبعتبرها جزء مهم كتيررر وما بستغنى عنها
.. بس مو اي موضه بقلد لازم تكون تلبقلي وبتلبق لعمري الصغيروبنفس الوقت مناسبه لديني وللعادات وكمان البلد اللي فيها بتلعب دور مهم لطريقة لبسي وستايلي ..

وهلا حابه اشوف اراء اخواتي واخواني باقي الاعضاء
دمتو بود

تقبلوا احترامي جميعا شكرا على مروركم الكريم

الرائــــــــد